Նախագծեր

Մանկապարտեզ Արենի գյուղում

Արենի գյուղն իր խաղողի հայտնի տեսակով ու 14-րդ դար թվագրվող Ս. Աստվածածին եկեղեցով Հայաստանի ամենահետաքրքիր բնական ու մշակութային կենսապատկեր (լանդշաֆտ) ունեցող տարածքներից մեկն է։ Կառուցվելիք մանկապարտեզը գտնվում է գյուղի կենտրոնական, սակայն կառուցապատման եզրային հատվածում՝ բնակելի տների շարքի վերջում։ Մեր մոտեցման նպատակն է ոչ միայն ինտեգրել մանկապարտեզը Արենիի հրաշագեղ կենսապատկերին, այլեւ այն դարձնել բնակելի տների տրամաբանական շարունակությունը։ Մանկապարտեզի դահլիճը ծառայելու է նաև որպես համայնքի մշակութային կենտրոն։ Կից համայնքային այգին եւս կնպաստի այն բանին, որ մանկապարտեզը դիտարկվի որպես համայնքային հավաքատեղի։ Նախագծման թիմ Ճարտարապետություն՝ Սարհատ Պետրոսյան, Իրինա ՄերդինյանԿոնստրուկցիա՝ Արթուր ՄելքոնյանՋրային համակարգեր՝ «Մալոնա» ՍՊԸԷլեկտրականություն՝ «Արմեն ԷԼ․ էՆԳ․» ՍՊԸԼուսավորություն՝ Սևադա ՊետրոսյանՈւղղաձիգ հատակագծում՝ Կարեն Առաքելյան Կանաչապատում՝ Էդգար Մելքոնյան

ավելին

Բնակելի համալիր մանկապարտեզով Մուշ թաղամասում

Գյումրի քաղաքի Մուշ թաղամասը 1988 թվականի երկրաշարժին հաջորդած շրջանի խոշոր թաղամասերից է։ 2016 թվականին Վենետիկի ճարտարապետական բիենալեի Հայաստանի ազգային տաղավարի շրջանակում առանձին կերպով ներկայացվեց նաև այդ թաղամասի վերակառուցումը` քննադատաբար մոտենալով դրան։ 2020 թվականին ստանալով առաջարկ նույն թաղամասում կառուցել նոր բնակելի համալիր՝ մեզ համար կարևոր էր նախկինում կատարված հետազոտության ռեֆլեքսիայի հիման վրա մոտենալ կոնկրետ խնդրին։ Այս պատճառով փորձ արվեց ինչ որ կերպ շարունակել թաղամասի քաղաքային հյուսվածքի տրամաբանությունն ու վերաարժևորել տեղական ու որակյալ, բայց միևնույն ժամանակ նորարարական ճարտարապետությունը։ Չորս շենքեր, որոնք կառուցվելու են տարբեր տեղական քարերից, կարծես հակադրվում են գոյություն ունեցող գունավոր ու խայտաբղետ շենքերին՝ ազդարարելով թաղամասի մուտքային մասը։ Բնակելի շենքերը բազմահարկ են։ Տանիքներն ամբողջովին նախատեսված են արևային մարտկոցների համար, ինչի համար անհրաժեշտ թեքությունն ապահովելու նպատակով առաջացած ձեղնահարկային տարածքների օգտագործելի մակերեսները նախատեսվում է որպես արվեստանոցներ տրամադրել տեղացի արվեստագետներին։ Համալիրի կազմում նախատեսված է 46 երեխայի համար մանկապարտեզ, որն իր շուրջ է համախմբում բակային տարածությունը։ Նախագծման թիմՃարտարապետություն՝ Սարհատ Պետրոսյան, Իրինա Մերդինյան, Հովհաննես ԲաղջյանԿոնստրուկցիա՝ Արթուր ՄելքոնյանՋրային համակարգեր՝ «Մալոնա» ՍՊԸԷլեկտրականություն՝ «Արմեն ԷԼ․ էՆԳ․» ՍՊԸ

ավելին

Թումո թաղամասի գլխավոր հատակագիծ

Թումո ստեղծարար տեխնոլոգիաների կենտրոնը հանդիսանում է անկախության շրջանի ամենահաջողված կրթական նախաձեռնություններից մեկը, որը սկզբնավորվելով Երևանում ունի բազմաթիվ մասնաճյուղեր Հայաստանում և այլ երկրներում։ Ձևավորվելով որպես արտադպրոցական կրթական նախաձեռնություն այն ժամանակի ընթացքում վերածվել է խոշոր տեղեկատվական տեխնոլոգիաների հանգույցի։ Կից լինելով Թումանյանի անվան այգուն, Թումոյի գոյություն ունեցող շինության հարակից տարածքում նախատեսվում է կառուցել կրթական տարբեր շինություններ։ Այդ նպատակով նախաձեռնվեց Թումոյի համալիրի գլխավոր հատակագծի մշակումը, որի շրջանակում մենք նպատակադրեցինք նոր կառուցվող շենքերը ինտեգրել Հալաբյան փողոցի հանրային կյանքին՝ միևնույն ժամանակ հաշվի առնելով Աբելյան փողոցի նախատեսված զարգացումները։ Առաջադրվեց նաև, դեռևս խորհրդային տարիներին նախատեսված և մասամբ կառուցված Աջափնյակ մետրոյի կայարանի աշխատանքներն ավարտելու, ինչպես նաև Թումանյանի այգին Հրազդանի կիրճի հանրային կանաչ զանգվածի հետ ինտեգրելու գաղափարը։ Նախագծման թիմ Ճարտարապետություն՝ Սարհատ Պետրոսյան, Գագիկ Խաչատրյան

ավելին

Մենատուն Զովաշեն գյուղում

Հատիս լեռան հյուսիսային լանջի ստորոտում գտնվող Զովաշեն գյուղն ունի շատ հետաքրքիր կենսապատկեր։ Մի քանի տարի առաջ հիմնադրված նշենիների այգուն կից կառուցվում է բնակելի տուն։ Այն իր ճարտարապետական ձևով կրկնում է գյուղի տեղական ճարտարապետությունը, փորձելով ինտեգրվել գյուղի հետ, կարծես այնտեղ էր այն ի սկզբանե։ Բնակելի տան ներսն ու դուրսը, արհեստանոց-հյուրատունը, բացօթյա տարածքները կարծես նույն վարպետի ձեռքով դանդաղ կառուցված համալիր մաս լինեն։ Համալիրի տարբեր տեղերից բացվում են տեսարաններ դեպի շրջակա սարերն ու դաշտերը՝ հնարավորություն տալով նորովի բացահայտել բնական ու մարդածին կենսապատկերը։ Նախագծման թիմ Ճարտարապետություն՝ Սարհատ Պետրոսյան, Գագիկ Խաչատրյան

ավելին

Դե-պլանիտակ բնակելի համալիր

Վերջին տարիներին Երևանի կենտրոնի ակտիվ կառուցապատման արդյունքում իհայտ են եկել այդ կառուցապատման տրամաբանությունից դուրս մնացած հատվածներ։ Հաշվի առնելով նաև անշարժ գույքի արժեքները՝ դրանք բոլորը ենթակա են պարզ վերացման։ Նման իրավիճակում էր հայտնվել նաև Ամիրյան և Սարյան փողոցների հատման կետում գտնվող 1-2 հարկանի տների խումբը։ Հարակից 1950-ականներին թվագրվող դպրոցի հետ ինտեգրելու և վերարժևորելու շրջանակում առաջարկվեց պահպանել և վերակենդանացնել այդ թաղամասը՝ դիտարկելով դրա վերին հատվածում բազմաբնակարան բնակելի շենքի և հյուրանոցի շենքերը։ Նախագծով ուժեղացվում և արդիականացվում էր նաև Մուշեղ Իշխանի անվան թիվ 5 դպրոցն ու ամրապնդում իր գոյության իրավունքն գերխիտ ուրբանիզացիայում։ Այս թաղամասի լուծումը միմյանց էր կապում նաև Երևանի հնագույն թաղամասերց մեկը Կոնդն ու Գլխավոր պողոտան։ Նախագծման թիմ Ճարտարապետություն՝ Սարհատ Պետրոսյան, Գագիկ Խաչատրյա

ավելին

Մանկական երկաթուղու հարակից այգու վերակենդանացման նախագիծ

ARTRAIL նախագծի նպատակն էր վերակենդանացնել խորհրդային ժառանգության կարևոր կետերից մեկը՝ Մանկական երկաթուղու տարածքը` Հայաստանում ստեղծելով ընտանեկան ու համայնքային պահանջներին հարիր մշակութային տարածք, որը նաև կծառայի իբրև երկրի միջազգայնորեն ճանաչված այցեքարտերից մեկը։ Նախագծով նախատեսում է 7 հեկտար զբաղեցնող այգու ամբողջական վերականգնում՝ ներառյալ 2 կմ երկարությամբ գործող երկաթգիծն իր 1950-ականների իկոնային կայարաններով։ Շրջապատի նոր կառույցները կներառեն 1’000 քմ ընդհանուր մակերեսով ժամանակակից արվեստի ցուցասրահը, համերգային և ֆիլմերի ցուցադրման համար նախատեսված ամֆիթատրոնը, գրադարանն ու աշխատարանը, ժամանակավոր միջոցառումների բազմաֆունկցիոնալ տաղավարը, ինչպես նաև ժամանակակից արվեստագետների կողմից նախագծած «խելացի» խաղահրապարակը երեխաների համար։ Այգու տարածքի վերակենդանացման աշխատանքներում փորձ է արվելու զգալիորեն նվազեցնել ոչ ջրաթափանց տարածքներն ու կրկնապատկել կանաչ զանգվածը։ Այդ նպատակով, բոլոր նոր արվեստային ենթակառուցվածքները ստեղծվելու են սյուների վրա՝ հաշվի առնելով լանջերի թեքությունները։ Մուտքային հատվածը երկաթուղային կայարանի և առափնյա հատվածի հետ կապվելու է վերելակով, որով հասանելի են դառնալու այգու բոլոր տարածքները՝ հարմարեցված նաև շարժողական խնդիրներ ունեցող անձանց և խմբերի համար։ Գոյություն ունեցող կանգառները վերածվելու են յուրահատուկ հանգրվանների, օրինակ «Ուրախություն» կայարանին կից վերականգնվելու է բացօթյա հանրային լողավազանը, կառուցվելու է բազմաֆունկցիոնալ նոր դահլիճ, իսկ «Պիոներ» կայարանում կառուցվելու է հիմնական ցուցահանդեսային դահլիճը, որը ծառայելու է որպես ժամանակակից արվեստի հիմնական կենտրոն։ Ցուցասրահները միմյանց հետ կապվելու են նաև արահետներով, որոնք Քանդակների պարտեզի մաս են կազմելու։ Նախատեսվում է պահպանել առկա կանաչապատ բոլոր մակերեսները՝ հաշվի առնելով կանաչապատման համաշխարհային ժամանակակից փորձը։ Նախագծման թիմ Ճարտարապետություն՝ Սարհատ Պետրոսյան, Գագիկ Խաչատրյան

ավելին

Տոշ բնակելի շենք

Նախորդ դարի 50-ականներին կառուցված Երևանի առանձնատներով թաղամասը դանդաղորեն վերափոխվում է բազմահարկ շենքերով թաղամասի։ Փորձելով հնարավորինս մեղմորեն ու ապահովել այդ անցումը` վեց հարկանի բազմաբնակարան բնակելի շենքը «ջլատվեց» տարբեր շենքերի՝ պահպանելու թաղամասի ոգին ու մասշտաբը։ Առաջին հարկի կոմերցիոն տարածքները, խորը բնակարանի ընդհանուր տարածքների հետ ներառված պաշտգամբներն ու ընդհանուր օգտագործման հարթ տանիքը, փորձելու են ապահովել կիսա-առանձնատնային կենսակերպը։ Նախագծման թիմ Ճարտարապետություն՝ Սարհատ Պետրոսյան

ավելին

Չայկովսկու երաժշտական դպրոցի ճեմուղի

Չայկովսկու անվան երաժշտական դպրոցը տեղակայված է Երևանի փոքր կենտրոնում գտնվող գողտրիկ հատվածներից մեկում։ Հայաստան համահայկական հիմնադրամի կողմից դպրոցի շենքի վերակառուցումից հետո անհրաժեշտություն առաջացավ նաև վերակառուցել դպրոցին հարակից մայթը։ Առաջարկում նախատեսվում է թե դպրոցի աշակերտների, թե անցորդների համար ստեղծել փոքրիկ հանգստի համար անհրաժեշտ միջավայրեր։ Նախագծման թիմ Ճարտարապետություն՝ Սարհատ Պետրոսյան, Վարթենի Վարդանյան

ավելին

Մասնագիտական ուսումնարան

Մասնագիտական ուսումնական հաստատությունն իրենից ներկայացնում է համալիր, որը ներառում է 2 ուսումնական մասնաշենք, մարզասրահ, ցուցահանդեսային տարածք, ավտոկայանատեղի։ Շենքի արտաքին հարդարման մեջ օգտագործվել են հայկական տուֆ, կանաչ տանիքներ, չմշակված բետոն և ապակի։ Հարավային ճակատներում տեղակայված են արևային մարտկոցներ, որոնք արևապաշտպան են և միևնույն ժամանակ լուծում են էներգախնայողության խնդիրները։ Շենքերի կանաչ տանիքները ծառայում են մի քանի նպատակի՝ անձրևաջրի հավաքագրում, ձայնամեկուսացում, ջերմության ցածր աստիճանի պահպանում ամռանը և տաքության պահպանում ձմռանը, ինչպես նաև կրթական նշանակություն ունեցող տնկարկների համար հարթակ։ նախագիծն իրականացվել է ճարտարապետ Անուշ Հարությանյանի մասնակցությամբ։ Նախագծման թիմ Ճարտարապետություն՝ Սարհատ Պետրոսյան, Անուշ Հարությունյան

ավելին

Հնչյուն և լռություն ցուցահանդես

Կոմիտաս թանգարան-ինստիտուտի հետ շարունակական համագործակցության արդյունքում մեր թիմն առաջարկ ստացավ ձևավորելու Նայիրի Խաչատուրեան կողմից համադրված «Հնչյուն և լռություն. երաժիշտը և նվագարանը դարերի հոլովույթում» ժամանակավոր ցուցադրությունը։ Ցուցադրության նպատակն է ավանդական գործիքների հանրահռչակումն ու ներառական կրթական մոտեցումների կիրառումը՝ ներկայացնելով բազմատեսակ ցուցանմուշներ` հնագիտական առարկաներ, ձեռագրերի և տապանաքարերի թվայնացված տարբերակներ, արխիվային լուսանկարներ, ավանդական նվագարաններ և այլն։ Նախագծի թիմ Ձևավորում ՝ Սարհատ Պետրոսյան, Արմինե Շահբազյան

ավելին

Սևանի Գրողների հանգստյան տան վերականգնում

Սևանի Գրողների հանգստյան տունը ներկայացնում է Խորհրդային մոդեռնիստական ճարտարապետության 2 դարաշրջան՝ 1930–ականների ուշ Խորհրդային ավանգարդիստական ժամանակաշրջանի բնակելի մասնաշենքը և 1960-ականների խորհրդային մոդեռնիզմի ճարտարապետության նմուշ հանդիսացող ճաշարանային կառույցը, որոնք երկուսն էլ նախագծված են ականավոր հայ ճարտարապետներ Գևորգ Քոչարի և Միքայել Մազմանյանի կողմից։ Մեր թիմը, ներգրավված լինելով շենքի վերականգնման աշխատանքներին 2016-2017 թվականներին, իրականացրել է շենքի նախնական տեխնիակական գնահատում, ինչպես նաև իրականացնելու է շենքի վերականգնման և վերօգտագործման նախագիծը։ Ծրագիրն իրականացվում է Հայստանի գրողների միության պատվերով և ֆինանսավորվում է Գեթի hիմնադրամի “Պահպանելով արդին” ծրագրի շրջանակներում։ Նախագծման թիմ Ճարտարապետություն՝ Սարհատ Պետրոսյան, Անուշ Հարությունյան, Զարեհ ՂաչրիբյանԻնտերիերի դիզայն՝ Սարհատ Պետրոսյան, Իրինա ՄերդինյանԿոնստրուկցիա՝ ՀայնախագիծԱպակյա կոնստրուկցիաներ՝ Վահե Ռամազյան

ավելին

Կուտինայի ցուցադրություն

«Կուտինայի (Քեոթահիայի) հայկական հախճապակու արվեստ» ցուցահանդեսը Կոմիտասի թանգարան-ինստիտուտի հետ արդեն գոյություն ունեցող համագործակցության արդյունք է։ Թանգարանի ժամանակավոր ցուցադրության սրահում ավանդական հախճապակու ցուցադրության կազմակերպման հիմնական խնդիրն էր ապահովել ցուցադրության ներդաշնակությունը շենքի ճարտարապետության (հեղինակ՝ Արթուր Մեսչյան) և մշտական ցուցադրության (հեղինակ՝ Ալբերտո Թորսելի) հետ։ Նայիրի Խաչատուրեանի կողմից համադրված ցուցահանդեսի աշխատանքային գործընթացում մեր թիմն իրականացրեց թե ցուցադրության ձևավորման, թե ցուցահանդեսի ողջ տպագրական նյութերի ձևավորումը։ Նախագծի թիմ Ձևավորում ՝ Սարհատ Պետրոսյան, Նանե Թումանյան

ավելին

Եվրասիա համագործակցություն հիմնադրամի գրասենյակ

Եվրասիա համագործակցություն հիմնադրամի գրասենյակի նախագիծը նպատակ էր հետապնդում ստեղծել կենսուրախ, աշխատանքի համար արդյունավետ ու փոփոխությունների համար ճկուն միջավայր։ Այն նախատեսված է շուրջ 20 մշտական աշխատակիցների ու այցելող կամավորների համար: Հիմնադրամի աշխատելաոճը նախագծային թիմին ուղղորդեց տարածքը կահավորել ոչ ստանդարտ գրասենյակային կահույքով ու սարքավորումներով, ինչպիսին են շարժական անձնական աշխատակայանները՝ աշխատանքային սեղանների փոխարեն, պատի երկայնքով ապակե սպիտակ գրատախտակը և այն: Տարածքը առավել ճկուն է դառնում տարատեսակ գործունեության համար շարժական դռների շնորհիվ: Փոքր, սակայն դեպի ընդհանուր տարածք բաց խոհանոցը աշխատակիցներին ու այցելուներին հնարավորություն է տալիս աշխատանքային շփումը դարձնել ավելի անմիջական: Գրասենյակիի կից տարածքում նախագծի շրջանակում ստեղծվեց ունիվերսալ մեդիա կենտրոն։ Դրա գործառույթներից են ընդհանուր ժողովների ու կոնֆերանսների դահլիճը՝ համալրված համընթաց թարգմանություններ կատարելու համար նախատեսված սենյակով, աուդիո, վիդեո և լուսային սարքավորումների ենթակառուցվածքներ նկարահանումների համար, գրադարանային տեղեկատվական հանգստի անկյուն խոհանոցով՝ փոքր ընդունելությունների կազմակերպման համար։ Նախագիծն իրականացվել է ճարտարապետ, նախագցի համահեղինակ Սևադա Պետրոսյանի հետ համագործակցության շրջանակում։ Նախագծի թիմ Ձևավորում ՝ Սարհատ Պետրոսյան, Սևադա Պետրոսյան

ավելին